دايم السيـــف

موضوع: دايم السيـــف الخميس يوليو 30, 2009 7:45 pm

غرتني الأيام

غرَّتنـي الأيَّـام باقبالهـا يــوم
وأثر النكوفه عند الايَّـام عجلـه
جتني لياليهـا علـى دف ونغـوم
وأثـر الَّليالـي بالغرابيـل جزلـه
فرحة نهارٍ عقبهـا ليـل وهمـوم
من يوم جدَّ البعد محبوب وصلـه
فرقا الضَّحى تسهل على باقي القوم
لكن على الخلاَّن ماهيـب سهلـه
ماهمَّني بعـد المسافـات معلـوم
لاشك بعد القرب للصَّـب قتلـه
راعي الهوى من راحة البال محروم
قربه وبعده نـار ماينعـرف لـه
عز الله إنَّي في ظبي نجـد مغـروم
راعي العيون الَّلي مع الزَّين خجله
من حبَّهم كنَّي من الحب مظلـوم
ونفسي عليهم ياهل العُرف وجلـه

ظلمتني

ظلمتني و الله قويٍّ يجازيك
باللي بلاني خالق الناس يبلاك
شابهت عدواني و أنا طامعٍ فيك
أقرب قريبٍ لي هقيت إنه إيّاك
اللي جرى لي منك ماهوب خافيك
روحي على حدّ الخطر من سواياك
و الله ما غيرك بقلبي يوازيك
أغلى من الدنيا على الخدّ ماطاك
أشفق على اللايم الى جاب طاريك
ودّي يطول الشرح في حال طرياك
الشاهد الله من كثر ماني أغليك
في سبّتك لو راحت الروح تفداك

عز القصيد

عز القصيد و زاعلتنى حروفه
من يوم غاب اللي قصيدي مهاويه
غابت به الدنيا وخلت طيوفه
عزي لمن مثلى زمانه يعاديه
عقب الملاقى بس بالقلب اشوفه
وعقب المناجى بس بالفكر اناجيه
كلامي وشوفي لغيره حسوفه
من غيره يخاوي غريبي و اخاويه
يا لوعة المشتاق تصفق كفوفه
لين التفت ما شاف بالدار غاليه
كن العيون بكل شين محذوفه
والقلب كن جموع الأيام ترميه
تسابقني من زماني سيوفه
تجرح مرادي في حياتي و ترميه
يا عونة الرحمن وين النكوفه
لين انتحي ... الخفاق وش عاد يثنيه
ما رحت أدوّر عند خلّي مروفه
ما يرحم إلا الله فلا شك مغليه